تحمل غلطتك وإرحل وأظنك فاهم الأسباب

تجي تبعد على كيفك لمثلك ماحسبت حساب 00

تجي وتروح ماتفرق ترى عندي غدا عادي

هذاك أول أبي قربك خطاك أنساه دون عتاب 00

تقول إبعد وأجي يمك أحسب إنك لي تنادي00

لأنك كنت لعيوني نظرها وللجفون أهداب 00

أشوفك بالسماء نجمة سحرني نورها الهادي00

حسافة خانني قلبي وجعلتك سيد الأحباب 00

أحب اللي يحبونك وأعادي من لك يعادي00

أنا لو كنت أعرف إنك تبدل لأتفه الأسباب 00

ما أنزل قدري لقدرك بعيد عنك يالغادي00

أنا ماهي من أطباعي أداري خاطر الكذاب 00

أقول الهرج في وجهك ومنت قد العنادي00

ترى لي عزة ترفض أماشي الواشي المغتاب 00

ترى فرقا الرديء مثلك أحسبه ثالث أعيادي00

تحمل غلطتك وإرحل وأظنك فاهم الأسباب 00

وأنا رحال وفراقك مناي وغاية مرادي00

أبي أعتبرك مثل حلم حظر وقت المنام وغاب 00

وهم زار الخيال وراح فعل ماضي ولا عادي00

أبي أدور وفي مثلي صدوق وللوفاء طلاب 00

على وضح القدر يمشي ويرفض فكرة إبعادي0